|
SubscriptionsSites I Read
|
|
|
|
| 今日去咗同莊員慶生日, 食咗沙嗲王, 野食我就唔影啦, 影咗兩個對我好重要o既人, 我女朋友蔚兒媽, 同我最好o既兄弟matrix
 
抱歉沒有群照
| | |
| 紅辣椒
八月三十日, Assistant o既 last day, 同佢去咗食依間女人街入面o既泰國野
 
泰式抄貴习------------ 好好食, 好好食, 夠味, 配菜又正
冬蔭公湯米線--------- 兩個字, 足料, 好多蝦, 仲要有蝦膏, 正啊, 味道唔辣, 易入口
夜晚依然同同事去食LAST DAY 飯, 有我, Samuel, Colin, 加蓓, 食咗
第尾牛扒
 
我o係依間店終於知咩叫性格waiter 啦, 真係好串架d waiter, 不過佢地又串得起, 真係又正又大塊, 我叫咗西冷, 又真係好有肉味喎
| | |
| 日期: 27/8
時間: 02:30
我完成咗我人生第一次o既派傳單入郵箱行動, 第一次OT 到咁夜, 仲要係要做我第一次做o既野, 好彩有samuel 兄一起......做完後老闆就車我地去咗大角咀食宵夜喇.
骨煲皇
我地叫咗個豬骨煲, 個湯底真係好正, 好夠味, 由於配料都叫咗好多, 我都唔想寫出嚟喇, 不過最正
o既有兩樣野,
1. 肥鵝腸------好肥, 但係真係好好好正, 有真正o既鵝腸味, 唔平時食開橙色o個d 只係得口感
2. 豬腰---------一個字爽, 兩個字好爽, 正呀
最後用兩個出前一丁嚟做個總結, 佢索哂湯底d味, 真係未食過咁好食o既出前一丁
| | |
| 由於近日比較忙....兩日的份一起打吧
25/2
麻布茶房
  
位於瓊華中心6樓, 裝潢不錯, 乾淨, 但係d 梳化有d舊
1.燒雞肉定食---------------------------- 一般水平.....同食吉野家冇咩分別
2.茶房風咖喱免冶肉醬蛋包飯------ 非常好食, 個蛋就差d, 冇咩特別, 味道都ok
3.宇治金時刨冰------------------------- 依個真係太監騎馬呀, 起正, 最好食o既一樣野...想知幾正自己 去食啦
| | |
| 由於小弟於旺角工作關係, 每日兩餐都o係mk 解決
是日午餐:
一入門面, 個 feel 都好ok, 都好乾淨. 一睇menu...有d 大鑊o既感覺.....又係健康食物?!唔係掛.....
同朋友睇咗一陣, 我叫咗一個羊扒天使麵, 佢叫咗個肉眼扒天使麵, 個look 都唔錯, 但係一食落.....死得, 真係唔應該叫天使麵....個麵好軟, d 汁又唔係好special....食落普通過普通......灰.....不過佢個羊扒真係唔錯, 好林好juice, 整體都ok啦.....一路食一路見到其他人都係叫炒公仔麵, 有chance 會去試一試.
是日晚餐:
牛筋河+炸魚皮+豆漿 = $26
只係睇同依個價, 你都知咩事啦, 真係好耐未食過D咁難食o既野......
魚皮.....太多粉, 油益味好重
豆漿.....味都冇
牛筋河....牛筋唔靚兼得兩舊, 河粉又差, 一餅野咁
| | |
|
